الجريش والقرصان

الجريش والقرصان
أول شي نبدأبالجريش:


مقاديره سهله واساسا الطبخه كلها على بعضها سهله بس تبي اتقان ومهارة

جريش طبعا حسب عدد الاشخاص اذا انتي وعايلتك يبي لك 3 أكواب من الجريش
رز مصري (صنوايت) مقدار كوب
يعني لكل 3 اكواب جريش 1كوب من الأرز
(فيه ناس مايحطون الرز بس بالنسبه لي احسه اطعم)
بصل 3 حبات ماجي واذا تبين يصير الذ اضيفي لحم او دجاج بدون عظم بهارات
بصل مكشن مع اضافة اللومي المطحون للزينه..
الطريقة :

اولا نكشن البصل حتى يتحمر نضيف له الماجي والبهارات واللحم
ونقلبهم مع بعض
وبعدين نضيف لها كمية مناسبة من الماء ونتركه حتى يغلي
ثم نضيف له الجريش والأرز بعد تنضيفه وغسله جيدا بالماء..
يترك حتى يغلي ثم يترك على نار هادئه لمدة 3 ساعات وتكون النار خفيفة
يقلب كا نصف ساعة حتى ينضج او يستوي مثل مانقول..
ممكن ان يضاف له حليب او لبن حسب رغبة الطاهيه<<<مابي اقول شيفه


القرصان:

وهي أكله قديمه واظن لازالت تطبخ في الولائم
وبصراحه اعتقد ان الطباخه الماهره او راعية البيت هي اللي تكون مائدتها في العزايم
تحتوي على هالطبختين وخصوصا انها سهله..

المقادير:
قرصان وهو نوع من الخبز الرقيق جدا واعتقد الغالبيه منكن تعرفه
لحم او دجاج حسب الرغبة
بصل
وبهارات
خضراوات(كوسا - باذنجان - بطاطس - جزر - لوبيا ) يعني اللي تحبين من الخضار
ومثل مانتن شايفات الطبخه مفيده لأنها تحتوي على الخضراوات اللي
فيها الفيتامينات واللحوم وفيها بروتين....
طماطم - معجون الطماطم او مثل مايسميها البعض الصلصة



الطريقة:

نكشن البصل حتى يتحمر ونضيف له اللحم والبهار ونقلبه الين يتغير لون اللحم
نضيف الطماطم المخلوطه بالخلاط وقليل من معجون الطماطم
نضيف له الماء ويترك حتى يغلي
ثم نضيف له الخضراوات مع مراعاة ان نحافظ على شكل الخضراوات عند الطبخ
وتترك لمدة ساعة تقريبا تكون هذي المرق اللي بنشرب فيه القرصان

اذا كانت عندك عزومه لازم تنتبهين انك ماتشربين القرصان الا قبل التقديم بنصف ساعه عشان ماتبرد
تحطين القرصان في صينية التقديم وتشربينه شوي شوي بالمرق الين تخلص الكمية وبعدين تزينين الوجه بالخضروات واللحم ...مثل الصور..<<<ادري حست العامي على اللغه العربيه بس مشوها لي


وبالهناء والعافيه

وهذا الشكل النهائي للطبختين


المصدر: منتديات فراشة حواء - للبنات للنساء للفتيات بنوتات - من قسم: منتدى المطبخ للطعام للطهي للاكل للطبخ ولتحضير و لاعداد الغذاء و المائدة

مشكوررر خيو على موضوعك الرائع
وجميل
وتقبل مروري